Lazagurria herritik ipar-ekialdean mendialde interesgarri bezain ezezaguna zabaltzen da. Planilla gaina da punturik altuena. Pinudi batek estaltzen du mendiaren mendebalde osoa, norabide horretako ikuspegiak oztopatzen. Pixka bat hegoalderago, paisaia zabalakogo zabalgune batean, tako geodesiko bat topatuko dugu. Mendi aproposak dira oinez zein bizikletaz ibiltzeko, gora-behera handirik gabe, eta gure geografiako beste bazter batzuetan eguraldi kaskarra egiten duenean.