Abodi eta Berrendi mendilerroak elkartzen diren puntutik hegoalderantz, Artatxoko bizkar belarsua topatuko dugu. Bere kokapenari esker, begiratoki aparta da Aezkoa eta Zaraitzuko ibarren gainean, baita urrunago dauden Pirinioen aldera ere. Mendi gehiena larre izanik, eta artean aziendak ibiltzen direnez, ez dugu zailtasun handirik gailur lau eta panoramikora iristeko. Hori bai, kartelek adierazten dutenez, kontuz ibili beharko dugu artaldeak zaintzeko jarri berri diren artzakurrak topatuz gero, hartzatzat hartuz gero, arazoak izan ditzakegu.