Arburu da inguru honetako gailurrik ezagunena, baina Atauritik begiratuta, Peñalascincoko balkoia izanen da atentzioa emanen diguna. Ondoko Maestu herritik gure gailurra ez da hain nabarmena gertatuko, baina Obiko harria (854m) eta Zabalegi (865m) gainak ikusiko ditugu, eta hirurekin txango eder bat egin dezakegu. Arburun bezala, hemen ere buzoi zaharrak topatuko ditugu gailurretan, eta Zabalegi eta Peñaascincon, kanpai erakoak, mailuak eta guzti soinua ateratzeko.