Aragoi ibaia eta Zangoza eta Xabier lotzen dituen NA-5410 errepidearen artean mendialde ez oso ezagun bat dago, soroz eta baso txikiz zipriztindua. Ugarte da mendirik altuena eta seinale geodesikoa duena, baina inguruan badago zer igo. Aipaturiko errepidearen mendebaldarantz, Lugar gaina (605m) eta Santa Luzia (588m) aurki ditzakegu. Lehenak altuagoa izanik, ez du pasaia handirik, pinuz estalita baitago. Tokiak "Peña del Adiós" izena ere du, Xabierko Fantziskok bertatik agurtu omen zuen bere jaioterria, munduan barrena hasi baino lehen.
SAnta Luzia gainak ez du horrenbeste kondaira, baina gailur irekia du, kairn alimaleko batekin, eta paisaia zabalak eskaintzen ditu.