Urbasako bihotzeko gainak ez dira oso nabarmenak. Inguru karstiko honetan harpeak eta zuloak nagusiagoak dira tontorrak baino. Baina inguru hauek hobeki ezagutzeko aitzakia bila bazabiltzate, Tximista primeran datorkizue. Harrizko tontor garbi eta eder bat da, Tximistako larreen ipar-mendebaldean. SITNAk Errementariaren Bizkarra izena ematen dio, eta badirudi Tximista beheko larreei egokituko zaie, baina ian batekin edo bestearekin, merezi du pagadi, larre eta malkar hauetan barrena ibiltzea.