Mendi ospetsu baten ondoko gainek patu beltza izaten dute, nagusiaren bidean ez badaude behintzat. Beriain bezalako number one baten oinetan egonik, Garategainetak ez du mendizale asko ikusiko. Baina inguru ezin ederrago batean egoteaz gain, Sakanako paisaiez eta Ihurbaingo ikuspegi aparta batez gozatuko dugu. Inguruko baso eta larreak ere politak dira, nahiz eta bide batzuk lokazturik egon eta botatako zuhaitzek oztopaturik. Mendebalderago dagoen Eperretagainetan hainbat oroigarri topatuko ditugu, inguruko biztanleek txoko eder honen berri baduten adierazgarri.