Beunde-Argorri

Xabiaram-k sortua, 2019, abendua 18 - 23:02
Ibilbide mota Itzulia, jaitsiera beste bide batetik
Zailtasuna Zailtasun gutxikoa
Lurraldea Zegama
ABIAPUNTUA Beunde
Eskema Beunde-Goiko-Maillukate-ARGORRI (1311m)-Leizarrate-Añabaso-Beunde
Lotuta »Argorri (mendi)
Gora-behera750 m
Luzera11 Km
Iraupena3:00 - 4:00
Alert

Guk ezin dugu ziurtatu ibilbide hau zuretzako egokia denik, ez eta zuzen azalduta dagoenik ere, arduraz jokatu ezazu. Ibilbide hau egiten baduzu, esaiguzu mesedez egokia den ala ez, zer zailtasun topatu dituzun, zein zuzenketa egingo zenituzkeen e.a. oharra jarraian erantsiz

(2019-10-16) Arratsalde pasako mendi ibilaldia.
3 ordu eta erdiko iraupena, (15:30-19:00).

Ibilaldia Beundeko atseden-lekuan abiatzen da, kilometro eta erdi bat inguru egingo dugu Aldaolara daraman pistatik eta ezkerrera gelditzen zaigun bidegurutzea hartuko dugu Ubierreka errekara jeisteko, hemen erreka gurutzatu eta berehala eskubira dugun bidezidor bat hartuko dugu basoan gora doana Goiko aldera, tarte honek hasieran malda gogor samarra du baina ez da luzea eta ondoren Goiko aldeko zelaigunera irtengo gara.

Hemendik aurrera zigi-zaga igoko gara pagadian zehar pista mailak gaindituz, hasieran bidezidorra nabariagoa da, baina gora egiten dugun heinean lausotzen doa eta azken zatia harkaitzezko hormara arteko zatia, malda oso pikuan eta senda argirik gabe igo behar da, gomendagarria mapa/gps-ren bat eramatea, tartea luzea ez bada ere hobeto norabidetzeko.

Behin malda gogor hau gaindituta harkaitz arteko pasabide ikusgarrira heltzen gara eta hemen Aratzeko gainalde harritsuan ibiliko gara, tartean Maillukate (1325m) eta Argorri (1311m) tontorrak zapalduz.

Beherako bidea hartuko dugu ondoren, Argorritik behera abiatuko gara Leizarrate aldera, bidezidor garbia dago zelai eta pagadi artean Eskaratzako iturrira arteko bidean, hemendik aurrera aintzinako galtzadan ibiltzeko aukera izango dugu Leizarrateko haitzulora arte, hau ere ikusgarria da, ekialdeko ahoa gehienbat. Aurrerantzean mendi aterpe ondotik jarraitu eta Añabaso (964m) mendiaren gainetik doan bidetik egingo dugu Beundera arteko itzulera.