Altuera:800 m
Zerrenda:Euskal Mendiak
Mendialdea:Mortua
Abiapuntuak:
- Orokieta
- Ola
Lurraldea:Euskal Herria
Orokieta herria eta Ola auzoa loten dituen errepidearen ekialdean erliebe nahasi bat zabaltzen da, pagadi etengabeek estalita. Garai batean artzainek eta basamutilek toki lauak bilatzen zituzten mendietan tenisaren antzeko joko batean aritzeko, eta antza denez, gailur hau egokia gertatu zitzaien jokatzeko. Egun, mendizale, ehiztari eta onddo bilatzaileak dira oihan zabal hauetako bisitariak.
Bero handia denerako egoki
Pagadiak inguratzen du mendia eta ez du ikuspegi zabalik eskaintzen, baina itzala bai, eta abuzturako aukera egokia izan daiteke. Egunotan (2020ko abuztua) baso-lanetan ari dira ekialdeko bizkarrean eta bideak trabatuta egon daitezke. Makina handiekin ari dira eta zenbait lekutan haitza txikitzen ere ibiliak dira, eta ez dakit nik hori legala den, baina ez da inondik ere egokia.