Tres Hermanos mendilerroxka Moncayuelo mendiaren iparraldean zabaltzen da. Izenak iradokitzen du hiru gain topatuko ditugula soka honetan. Baina lau aurkituko ditugu. Laugarrena, lehenbizikoa mendebaldetik, Saso edo Ropero gaina du izena. Sitnak Tercer Hermano izena ere aipatzen du, baina hurbil beste Tercer Hermano dagoenez, hobe dugu familia hori bakean utzi eta beste izenak erabiltzea.
Zonalde honetan ezin mendi izugarririk espero, baina paisaia aldetik ez dugu kexabiderik izanen: gailurra lau haizetara zabalik dago, eta mendebaldean landaturiko pinudi bat badago ere, ikuspegi zabal-zabalak izanen ditugu.