Lezea koba

Altzaniako mendilerroaren barnean bada bailara itxi bat, Ugarraundi izena duena, Umandia, Albeiz, Olano eta Illarragorri mendiek inguratua dutena, irteerarik utzi gabe. Bertan biltzen den ura errekasto batean elkartzen da, eta beste inora joan ezin duelarik, lurrazpiko leizeetan ezkutatzen da. Eta lurrazpiko bidaia ezkutu baten ondoren, Eginoko Haitzak zeharkatu eta Lezeako kobazuloaren aho ikaragarri handitik barrena irteten da lurrazalera.