Irati eta Aragon ibaiak elkartzen diren tokiaren iparraldean mendialde ez oso ezagun bat zabaltzen da. Goi-ordoki horretan soroak dira nagusi, baina mendizaleak badu zer igo. Raso de la Mata mendia bizkar luze eta oihantsua da, Leire mendilerroaren paraleloan zabaltzen dena. Gailurra basoan dagoenez, ez dugu paisaia handirik ikusiko bertatik, baina gainaldetik ikuspegi zabalak gozatuko ditugu hegoaldera begira.