Urraulgoiti ibarra mendebaldetik ixten duen mendikatea Txitxibar mendian amaitzen da, Ozkoidi, Imirizaldu eta Irurozki herrien artean. Soroak, baso txikiak eta lugorriak tartekatzen dira paisian. Gailurra erabat irekia izanik, paisaia zabal eta interesgarriak gozatuko ditugu handik. Gailurretik ipar-mendebaldean, ezpelek erdi irentsita, Santa Kruz ermitaren hondakinak aurkituko ditugu.