Urdani gaina Coronas mendatearen iparraldean dago, Urdani eta Valdecantal erreken artean. Erliebe leunak dira hauek, soro zaharrek estalita, orain sasiek eta basoek hartzen hasiak. Ikuspegi zabaleko tontorrak dira, batez ere mendebalderantz. Mendiak antzeko garaierako bi gailur ditu. Iparraldekoa, Petikerlo izenekoa, baxuagoa da, baina bertan tako geografiko bat aurkituko dugu. Santa Maria ermitatik abiaturik, ibilbide zirkular eder bat egiteko aukera izanen dugu, betiere bide egokietan barrena.