Desojo eta Urantzi/Los Arcos herrien artean mendialde zabal bat dago, non muino leunak eta labore soroak tartekatzen diren. Edesa gaina horietako bat da, baina gailurrean seinale kartografiko bat izateak iradokitzen du bertatik paisaia zabalak ikusiko ditugula. Hala da, batez ere hegoalderantz. Mendixka honetaraino iristeko, pista ugari erabili beharko ditugu, eta horiek utzitakoan, mendien sokak hartzen dituzten sasien artean bilatu beharko ditugu abereek zabalduriko xendrak, gure tontorreraino iritsi ahal izateko.