Puiu herria Zidakos ibaiaren gaineko talaia batean eraikia dago. Herria dagoen gaina Buskil mendian hasten den mendikate bateko azken tontorra dugu. Puiutik mendebalderantz abiatuta, bidean aurkituko dugun lehen gaina Campaña du izena eta haizerrotek hartuta dago. Hortik aurrera, haizerroten lerroak atzean utzita, inguruak mendi kutsu handiagoa hartuko du, eta txangoa Alto de las Piedras mendira (617m) edo Buskil (637m) ezaguneraino luza genezake.