Lizarratik mendebaldera, Ega ibaiak inguraturiko mendialde interesgarri bat zabaltzen da. Mendiz inguraturiko goi-ordoki zabalean, soroak, pinuak eta mediterranear erako landareak dira nagusi. Iratxetik abiatuta, Peña Negra (616m) izeneko harkaitza topatuko dugu bidean, oso nabarmena ez dena, baina eskalada labur bezain zirraragarri baterako aukera emanen diguna. Ostaitako gailurrak ere sorpresa ederra emanen digu, tontorreko harri zorrotza lau haizeetara zabalduriko talaia bat baita.