Maaltza (585m) eta Uskain (556m) Lakuntzatik iparraldera dauden bi mendixka dira, linea elektriko batek bereizita. Landaturiko pinuz estalitako gailurrak dira, panoramika handirik uzten ez dutenak. Seguruenik bertakoek eta bildumazaleek bakarrik bisitatuko dituzte gailur hauek, baina txango labur baterako aitzakiak izan daitezke, udako beroa saihestuz adibidez.