Beruete eta Uitzi artean mendialde zabal eta gorabeheratsu bat zabaltzen da. Pagadi eskergek estaltzen dute erliebe nahasi eta batzuetan zail hau. Kontuz ibili beharko dugu beraz, eta orientazio tresnak eraman paraje hauetan ez galtzeko. Ez dugu paisaia haindirik miretsiko, baina, bestalde, plazerra da baso zabal eta bakarti hauetan barrena ibiltzea, batez ere udako egun sargorietan.