Ibilbide hau 300 metroko garaieran dagoen Amezketako San Martinetik abiatzen da, lehen kilometroa Altunegi auzoko bidean egiten da, orduan gurutzebidean erdian dagoen senda hartzen da Larrondoa (700m) aldera, hemen gainean trikuharri pare bat ikusi ahalko ditugu bidetik oso hurbil. Hemendik gora malda gogortzen hasten da eta senda estu eta aldapatsu batean Zabalegi (1070m) saroira iristen gara http://www.euskal-herria.org/argazki/2018/10/94590.jpg, bertan izen bereko tontorra ere igo daiteke edo/eta aurrera jarrai zelaian gora Artubi (1263m) tontorrera http://www.euskal-herria.org/argazki/2018/10/94588.jpg. Puntu honetara iritsita eguneko desnibel gehiena gainditua dugu, ia mila metro. Aurrez-aurre Malloetako gandor guztia, ni Aldaon (1409m) mendira arte joan naiz, http://www.euskal-herria.org/argazki/2018/10/94600.jpg tartean Urakorri (1304m) eta Beoin (1347m) tontorrak ere igoz http://www.euskal-herria.org/argazki/2018/10/94597.jpg. 4 orduko ibilbidea.
Bertan zerbait jan eta atsedena hartu ondoren, jeitsiera bideari ekin behar, ni Pardelutseko iturrira jeitsi naiz Aintziriko Ordeka deituriko aldetik http://www.euskal-herria.org/argazki/2018/10/94603.jpg. Hemen Amezketa errekari jarraituz Burutzuzingo meatzetara arte http://www.euskal-herria.org/argazki/2018/10/94619.jpg, hauek XIX.-XX. mendetan burdingorria (kobrea) ustiatzeko erabili ziren meatzeak dira, eta hondakin batzuk gelditzen dira. Aurrera jarraituz Ollarkan eta Andreona aldera doan senda edo errekaren ondotik beherantz doana hartu daitezke San Martingo aparkalekura itzultzeko, nik lehena hartu dut. 3 orduko itzulera ibilaldia, lasai hartuta.
Komentariorik ez..
Waypoints
/var/www/html/d9.luberri/web/themes/custom/uiluberri/templates/osagai/wp-erantsi-modal.html.twig
Waypoint berria erantsi
