Urraulgoitiko mendi honek Etxabar eta Aldazia arroilen artean luzatzen den mendisokaren gainik altuena dugu Amalazoki mendiA. Zonalde despopulatu honetan, txangoak nahiko zaildu daitezke betiko bideak ixten doazelako, eta inguruko herri bakarra Ezkaniz despopulatua izanik, Amalazokik zenbaki asko ditu infernu bihurtzeko. Hala ere, bidexkak uste baino irekiago daude, eta arazo handirik gabe iritsiko gara gailur harritsura. Inguru honetako beste hainbat mendiren antzera, ikuspegi zabalak edukiko ditugu, hegoalderantz batez ere.