Mendi bereziki altua ez izanik, eta ur deposituen instalazioak gailurrean edukita, Irigaraik ez du ospe handirik mendizaleen artean, baina Iruñerriaren erdiko kokapenak interes berezia ematen dio muino leun honi. Haren gailu bikoitzetik (iparraldekoak Elizmendi du izena) paisaia zabala ikusiko dugu. Gainera, hiritik hain hurbil izanik, gain hauek aukera ematen dute txango labur bat egiteko eguraldi kaskarreko egunetan, edo berandu jaiki garen horietan.