Burumendi Allotzko urtegiko uharka mendebaldetik zaintzen duen mendia da. Ekialdean Irurre dugu, baina beste baterak utziko dugu. Edertasun harrigarriko tokia izan arren bainuzaleek gehiago ezagutuko dute mendizaleek baino. Burumendiko gailurrean antzinako gotorleku batean murruez gain (Murumendi da bere beste izena), pinu landaketa bat ere aurkituko dugu, bistarik interesgarrienak eragotziko dizkiguna. Baina bidean urtegiaren ikuspegi politak izanen ditugu.
Hegoalderago, Txapardia mendia dugu. Gomendagarria da bidean ikusiko ditugun paisaiengatik, baina ez du merezi tontorreraino igotzea, sasiek erabat hartuta baitago.