Gain zabal eta hegi leunetako mendia, artadiak estalia, Lete eta Aritz herrien artean. Argindar linea batek ebakitzen du artadia gailurretik gertu eta hura baliatzen dute bide batzuk bertara gerturatzeko. Ez dago gailurrean tontorra adierazten duen marka nabarmenik, harripila soil bat ez bada, eta ez da erraza puntu jakin bat aukeratzea, nahiko laua baita. Nolanahi, igoera errazekoa da eta gora-behera ez da handia; mendiko bizikletaz ere igo daiteke, nahi izanez gero.