Atxipi

Albeiz eta Artzanegi artean gelditzen den haitz mutur dotorea da, Ekialdean nahiz Mendebaldean karaitzezko arroil batez ebakia, baina igoera errazekoa, izan ere bizkar leun batek lotzen du Iparraldetik Altzaniako ardatz nagusira. Txartelontzi dizdiratsu bat dauka tontorrean, eta ikuspegi zabala, noranahi begiratuta ere. Igoera errazena Lezetik abiatu eta Artzanegi aldeko arroilaren paretik gora datorren bidea baliatzea da. Iparralderagoko lepora heltzen da bide hau. Handik tontorrerako bidea erraza eta nabarmena da.