Lezearen gainean luzatzen den harresiaren Mendabaldeko muturrean dago Artzanegiko tontorra, Olano beste muturrean bezala. Igoera errazena Lezetik abiatu eta Atxipi eta bien artean ebakitako arroilaren ingurutik gora egiten duen ibilbideak eskaintzen du (marka zuri-horiak). Ekialdeko gandorretik ere igo daiteke, baina zakarragoa da bidea, markatu gabea. Tontorrean, ikuspegi zabalaz gain, txartelontzia eta mugarri zahar bat topatuko ditugu. Ibilbide polita osatu daiteke Atxipi eta Albeizekin batera igota.