Nafarroa eta Aragoi arteko mugatik hurbil, Pirinioko lehen 2000koak artean urrun direlarik, mendialde basa eta bakarti bat zabaltzen da, Erronkari eta Ansó ibarren artean zabaltzen dena. Abeltzaintzaren beherakadarekin, bideak itxi eta sasi eta basoak bazterrez jabetu dira. Ez da harritzekoa inguru hauetan Pirinioetako azken hartza bizi izana. Gaur egun ere atzerritik akarritako hartzen arrastoak bazter urrun horietan sumatu dira.
1987ko Nafarroako mendien zerranda Sasi izeneko gain bat zekarren inguru hauetan. Badirudi izena goi ordokiko larre eremu zabalari dagokiola, baina kartografiak Sasi izeneko mendixka bat seinalatzen du aipatutako larre horien mendebaldera. Tontorra bera ezpel artean ezkutatuta dago eta ez da erraza bertara iristea (taku geodesiko bat baino ez da bertan). Goiko ordoki zabala bera ikusgarria da, beheko ibarretatik begiratuz gero ez da ikusten eta zaila da irudikatzen halakorik paraje horretan. Nolanahi mendia inguru hori ezagutzeko aitzakia bezala hartuta, Bardipeña, Valdepeña edota Virgen de Peña mendietara ere luza genezake txangoa. Bide zaharrak ixteko arriskuan egon arren, artean ibiltzeko moduan daude... baina susmoa dut ez dela oso luze joko erabat itxi baino lehen.
Oso gertu (< 1.000 m)
Bat ere ez.
Ibilbideak
| Ibilbidea | Abiapuntua | Gorabehera | Nork |
|---|---|---|---|
| Virgen de Peña, Valdepeña eta Sasi Burgitik | Burgi | 1137 m | inaxio |
Komentarioak
Mapako edukiak aukeratu
Edukia erantsi
Zer erantsi nahi duzu?
Klikatu orain maparen gainean, kokapena adierazteko. Mapan klikatutakoan beste leiho batean zabalduko da sarrera berria osatzeko orria.
Near targets
Bat ere ez.
Waypoints
/var/www/html/d9.luberri/web/themes/custom/uiluberri/templates/osagai/wp-erantsi-modal.html.twig
Waypoint berria erantsi
Ingurune lasaia eta Pirineoak aurrean
mou·k bidalia 2017·ko Uztailaren 4·an - 10:24etan·an
Kaixo mendizaleok.
Inguru hauetan izan nintzen aurrekoan Burgi herritik abiatuta GR-15-ta hartuta Virgen de la Peña egin eta ondoren Las Suertes edo Sasi bezala ezagutzen den mendia egin eta Burgira jetsi. Horretarako, La Peña egiteko ez do arazorik GR-15-ta hartu eta ibilbide zoragarrian, uneoro maldan gora pistaraino iritsi eta bertatik tontorrera igo. Ondoren pista bera hartu eta Lehenengo La Bardipeña eta ondoren Valdepeña egin eta pista bera jarraitu zelaigune bateraino. Aurrealdean Las Suertes izanda topatu behar da bidetxur bat, non, tontor ingurura iristen den eta tontorra topatzeko (tako geodesikoa dago) ote artean topatuko duzue. Burgira jaisteko, bidetxur bera topatu eta ipar ekialderantz jarraitu eta bide zabalago batera iritsiko zarete eta berau maldan bera herriraino. Ingurune bakartia da, baina aurrez-aurre Pirinioak ikustea gozamen hutsa da.
Ondo izan eta animo.