Xuritze

Xuritze gaina Korona mendiak mendebalderantz bidalitako bizkar luzea da. Iruerrekak zulaturiko sakanak bereizten du Lerdengibel menditik, baina bi gain horien artean ibil daiteke inolako zailtasunik gabe, larre zabalen eta pagadi ederren inguru batean. Ohi bezala, tontor nagusietatik aldentzeak bakardadearen eta paraje ederrak aurkitzearen saria izanen du. Apezainberroren gailurra laua eta ikuspegi mugatukoa izanik ere, paisaia zabalak ikusteko aukera izanen dugu betiere.

Xuritzeren gailur zabala osatzen duen larre irekian hainbat zuhaixka hazten dira eta horietako batek, adartza borobileko haritz batek markatzen du tontorra, harri pila xume baten aldamenean. Korona nahiz Lerdengibel gertu gelditzen dira, ibilbide berean erraz lotzeko moduan.