Skip to main content

Bargagain Urdiaindik ibilbidea

inaxio·k

2015/03/16 - 19:54

Mapako edukiak aukeratu

Zein eduki erakutsi










Edukia erantsi

Zer erantsi nahi duzu?

Klikatu orain maparen gainean, kokapena adierazteko. Mapan klikatutakoan beste leiho batean zabalduko da sarrera berria osatzeko orria.

Near targets

Zailtasuna
Zailtasun gutxikoa
Igoera metatua
765 m
Eskema
Urdiain - Altsasu inguruak - Espilazar - Mantxegoportillu - Bargagain - Ixuripunta - Kurutzetako Harria - Urdiaingo portua - Astabidea - Urdiain
Luzera
13.00 km
Iraupena
5 ordu

Urdiain eta Altsasu inguruen arteko bideak pista zabaletan egiten du aurrera eta arreta pixka bat jarri beharra dago mendateko aldapari ekiteko unea iristen denean deskuidoan aurrera ez egiteko. Badira seinale batzuk, baina bidearen arrastoa arin xamarra da hasiera batean, larrean gora lehendabizi, eta pagadian gora gero, gero eta aldapa gogorragoan. Lau paretak nahiko egoera onean dituen telegrafia dorrearekin egingo dugu topo igoeran, pagadian sartu aurretik. Ehiza postuen zerrenda baten paretik gora egiten du gero bideak, azken txanpan, gero eta aldapa zutagoan sigi-saga eginez, bizkarrera heltzen den arte. Azken tarte hau deserosoa izan daiteke euriarekin, lohiarengatik eta aldaparen gogortasunagatik.

Bizkarrera helduz gero hari jarraitu eta Ekialdera joz laster egingo dugu topo Bargagaingo tontorra eta gurutzearekin. Tontorreko egonaldia eginez gero, Ekialdeko ertzari berriro ekitean arreta pixka bat jarri behar da: seinalatutako bideak ertzaren Iparraldeko magaletik jarraitzen du, ertzetik aldendu gabe baina haren azpitik. Hegoaldeko isurialdetik ere jarraitu daiteke, nahi izanez gero, baina ez da erraza bidearekin asmatzen, ez baitago bide argirik tarte batean eta haitz handien tartetik ibili beharra dago hasieran. Harrizko labirintoa ematen du tarte hortan.

Aurrerago bi bideak ertzean elkartzen dira berriro, eta errazagoa da aurrera egitea bidearen arrastotik aterata ere. Gora-behera handirik egin gabe helduko gara hala Urdiaingo mendatera. Handik Urdiainera bitarteko bidea erraza eta nabarmena da; gero eta bide zabalagoetan behera eginez helduko gara herrira.

Bidean ikusi beharrekoak
Arrastoa
Eranskina Tamaina
urdiain-bargagain.gpx 195.93 KB

Komentariorik ez..

Waypoints

/var/www/html/d9.luberri/web/themes/custom/uiluberri/templates/osagai/wp-erantsi-modal.html.twig

Waypoint berria erantsi

Argazki berria erantsi