Aizkolegi mendiak adar luze bat hedatzen du iparralderantz, Etxalarre gainean amaitzen dena. Garai bateko gidaliburuek Baolko Larrea gaina aipatzen zuten, Etxalarretik Aizkolegira abiatzen ziren bideak bertan pasatzen zirelako. Horregatik jaso zuten mendi hau mendi katalogoek. Egun, Etxalarko bide batzuk ez daude hain egoera onean, baina artean ibiltzeko moduan daude. Eta Bagolako gaina aukera interesgarria izan daiteke Aizkolegiko txango bat luzatu nahi izanez gero, inguru askoz ere bakartiago batean barrena.