Mailoetako ekialdeko azken mendiek ez bezala, Izarritako gainak paisaia zabalak eskaintzen ditu Araizko ibarraren gainetik. Hau izan daiteke inguru hauek bisitatzeko aitzakia, nahiz eta benetako gailurra pagadian egon. Antenadun tontorrak ibar osotik ikusten da, eta erreferentzia polita da txangoetarako. Txangoa luzatu nahi izanez gero, hor ditugu beste hainbat gain: Kaxamon, Pastarri, Erbitz... denak pagadi ederretan murgildurik eta karst gotorrek defendaturik.