Gorramendiko mendikate luzea bitan banatzen da iparraldeko muturrean. Y greko horren ekialdeko adarra Alkaxuri/Iruegiko puntan amaitzen da. Mendebaldekoa, berriz, Akomendi eta Okoka gainetan ditu punturik altuenak.
Bai iparraldetik abiatzen diren bideek (Alkaxurirekin batera) bai hegoaldetikoek (Gorramenditik pasatuz), edo Itzulegin hasten denak, Burdingurutzetako lepo zabalean topo egiten dute, Bardakomendiko gailur panoramikoari ekin aurretik. Iparralderago, Okoka mendiko gailurtxoa geldituko zaigu, Bidarraiko jaitsiera eder bat eskainiz.