Skip to main content

Irunberri - Liedena - Irunberriko Arroila - Usun ibilbidea

inaxio·k

2013/08/12 - 21:59

Mapako edukiak aukeratu

Zein eduki erakutsi










Edukia erantsi

Zer erantsi nahi duzu?

Klikatu orain maparen gainean, kokapena adierazteko. Mapan klikatutakoan beste leiho batean zabalduko da sarrera berria osatzeko orria.

Near targets

Abiapuntua
Irunberriko arroileko aparkalekua
Zailtasuna
Zailtasun gutxikoa
Igoera metatua
450 m
Eskema
Irunberri - Liedena - Irunberriko Arroila - Usun - Domeño - Irunberri
Luzera
36.00 km
Iraupena
5 ordu
Ibilbide mota
Mendiko bizikletaz
Lurraldea
Noiz egina
2023-06-30

Ibilbide honek arroileko harreran banatzen duten eskupaper batean jasotako bi MTB ibilbide egiten ditu, bata bestearen ondotik: BTT1 eta BTT2 izenarekin ageri dira.

BTT1a Usun aldera doana da, eta ez dago behar bezala seinalatuta, nahiz eta asmatzen erraza izan, bide nabarmenenari jarrituz gero. Pista zabalak dira, harri, lur eta hautsa. Ibilbidea ez da zirkularra, eta nik, bide beretik ez itzultzeagatik, errepideari jarraitu diot Irunberriraino, Domeñotik paseaz. Usunera heldu baino lehen Zaraitzu ibaia zeharkatu behar da porlanezko ibi batetik: ur emaria haundia bada kontuz ibiltzeko lekua izango da (beharbada ez da pasatzerik egongo!). Ni bizikletatik jaitsi gabe pasa naiz, abuztuan.

BTT2a Liedenara joan eta Iratiko tren zaharraren ibilbideari jarraituz arroilatik barrena itzultzen da. Hau ere harri-txintxarra, lurra eta hautsa da; pista zabala gehienean, baina sastrakak estu hartuta dauka Irunberritik Liedenarako lehenengo tartean. Tarte hori erraz saihestu daiteke ARGAL lantegiko pista erabilita. Liedena aldeko harrobi eremua zeharkatzen du herrira sartu baino lehen, eta oso tarte itsusia da. Autobide berriak zertxobait aldarazi du jatorrizko ibilbidea. Arroilan bi tunel pasatu behar dira. Lehenengoa nahiko luzea da, eta iluntasuna ia erabatekoa da tarte batean. Bizikletatik jaistea hobe tartetxo horretan. Bigarrena ez da horren luzea eta errazago pasa daiteke. Jende asko ibiltzen da jaiegunetan arroileko tarte horretan, poliki ibili beharra dago bizikletarekin.

Bidean ikusi beharrekoak
Arrastoa
Eranskina Tamaina
irunberri-liedena-usun.gpx 373.92 KB
Oharrak
Arroileko pasartea ez da zehatza, GPS seinalea nekez jasotzen delako eta tunel pare bat dagoelako tarte horretan, baina ez dago galtzerik, bidea bakarra da-eta. Irunberritik Usunerako bidean arrastoak atzera egiten du, ibaitik gertuagoko bideari jarraituz: AUKERA OKERRA DA hori, aldapa gogorragoa da aurrerago, goiko bideko aukera hobea da, horregatik utzi dut pasarte hori ezabatu gabe.

Komentariorik ez..

Waypoints

/var/www/html/d9.luberri/web/themes/custom/uiluberri/templates/osagai/wp-erantsi-modal.html.twig

Waypoint berria erantsi

Argazki berria erantsi