Malkarrak ilargi erdi baten moduan ixten dira Munian herriaren inguruan: Etxauriko haitzetik hasi eta Soroluzeta-Izmendiako harritzetaraino, harria malkar nahasietan desegiten da, denbora eta higaduraren indar isilaren erakusgarri.
Ilargi erdi horren ipar-ekialdean Itxesorde eta Obiarri gainak daude, basoak erdi estalita, baina artean basati eta malkartsu. Biek ala biek ikuspegi ederrak eskaintzen dituzte bai Gesalazko bailareren gainean bai Andiako goi-ordokiaren aldera. Megalitoak ere aurki ditzakegu haien inguruan, hala nola Obiarriko tumulua, erortzear dirudien terraza batean kokatua.
Bai Etxauriko haitzarekin batera bai haik bakarrik, Itxesordek eta Obiarrik bisitatxoa merezi dute.