Salvatierra de Esca - Virgen de Peña

inaxio-k sortua, 2007, maiatza 1 - 00:24
Ibilbide mota Joan-etorria bide beretik
Zailtasuna Erraza
Lurraldea Nafarroa, Zaragoza
ABIAPUNTUA Salvatierra de Esca
Eskema Salvatierra de Esca - Virgen de Peña
Lotuta »Virgen de Peña (mendi)
Gora-behera700 m
Luzera11 Km
Iraupena3:00 - 4:00
Alert

Guk ezin dugu ziurtatu ibilbide hau zuretzako egokia denik, ez eta zuzen azalduta dagoenik ere, arduraz jokatu ezazu. Ibilbide hau egiten baduzu, esaiguzu mesedez egokia den ala ez, zer zailtasun topatu dituzun, zein zuzenketa egingo zenituzkeen e.a. oharra jarraian erantsiz

Salvatierra de Esca-tik Burgira abiatzen den errepidea hartu eta Kilometro batera, bihurgune itxi bat pasa eta berehala, Virgen de Peña jartzen duen letrero bat ikusiko duzue, pista zabal baten hasieran. Pistaren hasieran bertan bada autoa uzteko lekua, bazterrean.

Pista zabal horri jarraituko diogu tarte batean: muino bat eskubitik inguratu eta bidegurutze bat topatuko dugu hamar minuturen buruan. Ezker-eskubikoak bazterrean utzi eta erdiko bidetik joko dugu gora, pistan zabalean aurrera oraindik ere. Bost bat minutu aurrerago ordea, pistak ia 180ºko bihurgune itxi bat egin eta ezker aldera jotzen du, berehala eskubi aldera egiteko hurrengo bihurgunean. Bigarren bihurgune honetan harripilaz markatutako bidezidor bat abiatzen da aldapan gora.

Harreta piska bat jarriz gero erraza da bideari jarraitzea, arrastoa nabarmena da eta harripilak nahiko ugari. Bidezidor honek sigi-saga eginez urratzen du aldapa guztia, goraino. Aldapa handia izanagatik bidezidor honek ez du neke handirik hartzen eta bidea luze egiten da: ez dago halere aukera hoberik eta bidea polita eta atsegina da. Bidetik kanpo ezpela, artea, otea eta arantzadun beste espezie ugarik osatutako sastrakadia da nagusi. Gainera gerturatu ahala bideak berak bilatzen du tontorra ingururatzen duen harresia saihesteko tarte egokiena.

Ekialdeko bizkarrera igoz gero, laster helduko gara tontorreraino igotzen den porlanezko pistara eta handik, tontorrera.

Oharrak:

Harripilak zaindu.