Topinburu hego-mendebaldeko bizkarrean zehar

Jose-k sortua, 2007, urtarrila 28 - 18:40
Ibilbide mota Joan-etorria bide beretik
Zailtasuna Erraza
Lurraldea Gipuzkoa
ABIAPUNTUA Asurtza baino beherago dagoen bidegurutzea
Lotuta »Topinburu (mendi)
Gora-behera90 m
Luzera1.6 Km
Iraupena0:15 - 0:30
Alert

Guk ezin dugu ziurtatu ibilbide hau zuretzako egokia denik, ez eta zuzen azalduta dagoenik ere, arduraz jokatu ezazu. Ibilbide hau egiten baduzu, esaiguzu mesedez egokia den ala ez, zer zailtasun topatu dituzun, zein zuzenketa egingo zenituzkeen e.a. oharra jarraian erantsiz

Asurtza aldetik, Topinburuk oso igoera erraza du hego-mendebaldeko bizkarrean zehar. Ordu laurden eskaseko pasio lasaia.

Soraluzetik Sagar-errekan gora igotzen den errepideak, Bergaretxe baserriaren gainaldetik igaro ondoren Asurtzara iritsi baino lehen lepo bat harrapatzen du. Metro batzuk lehenago bidegurutze bat dago, bertatik abiatzen baita Lezeta eta Intxuzabal baserrietara doan bidea, eta bidegurutzearen ondoan aterpe bat.

Bidegurutze honetatik abiatuta (500 m.) errepidean gora lepora joango gara, eskuinerantz abiatzen den lehenengo bidea hartzeko, iparralderantz. Lurrezko bide bat da, Eibar aldera jaisten dena, Salbatore ermitara. Baina guk tarte labur batetan bakarrik jarraituko dugu.

Eskuinerantz irteten den lehenengo bideari eztiogu jaramonik egingo. Zertxobait aurrerago, Eibar eta Bergara arteko mugarri baten parean eskuinerantz bidezidor aldapatsu bat abiatzen dela ikusiko dugu. Bertatik joko dugu.

Laster Topinbururen hego-mendebaldeko bizkarra harrapatuko dugu, eta bertatik jarraituz gorantz egingo dugu poliki-poliki. Ezkerrean utziko dugun aterpe baten gainaldetik igaro eta laster tontorrera iritsiko gara (590 m.; 12’).