Uharte-Arakil .. Beriain

BatenBat-k sortua, 2004, apirila 4 - 00:00
Zailtasuna Zaila
Lurraldea Nafarroa
ABIAPUNTUA Uharte-Arakil
Lotuta »Beriain (mendi)
Gora-behera-
Luzera-
Iraupena5:00 - 6:00
Alert

Guk ezin dugu ziurtatu ibilbide hau zuretzako egokia denik, ez eta zuzen azalduta dagoenik ere, arduraz jokatu ezazu. Ibilbide hau egiten baduzu, esaiguzu mesedez egokia den ala ez, zer zailtasun topatu dituzun, zein zuzenketa egingo zenituzkeen e.a. oharra jarraian erantsiz

Uharte-Beriain-Unanua-Uharte

Uharte herriko hego aldeko auzotik abiatu. Bidean errotarrien harrobia ikusteko aukera izango duzue, eta nola ez, txerriak solte. Pazientzia izan igoera aldapatsua baita zati zati batzuetan, hartu arnasa, begiratu ipar alderako paisaia: Aralar, Madalen haitz, Ireber, Saioa, Adi... Sakana bailara. Uhartetik Beriainaino mila bat metroko igoera dago.
Jaitsi Unanuarantz ohiko bidetik eta herri gaineko iturrira heltzean jo iparrerantz, Unanuaren Rasorantz, eta Beriainen muturrari buelta eman Uharterako norabidean.
Garai honetan bazoazte aukera izan dezakezue Beriaineko ur-jauzia ikusteko, aitzakia nahikoa irteera hau egiteko.
Inon irakurri izan dut bide ondoan San Buenabentura ermita dagoela, bada jakizue aspaldian desagertua dela, eta irudia Unanua herriko elizan dutela, hau jakin ahal izan genuen Unanuako bi "atso euskaldunei" esker. Euskarak dirau!!!