Skip to main content

Urdelar mendia

inaxio·k

2005/06/09 - 22:18

Larre aldetik ikusita | ©inaxio (2005-11-22)
Altuera
852 m
Zerrenda
Abiapuntuak
Berastegi · Billabona · Elduain · Izaskun
Lurraldea

Tontorra inguratzen duen pinudi trinkoa da mendi honetara joaten denari gogoan gelditzen zaion oroitzapen nabarmenena, izan ere mendia IM-HE norabidean zeharkatzen duen bidezidorrak lawson pinuz osatutako sail zabaletan barrena urratzen du bidea. Eguzkia pinudiaren azpira heltzen ez denez, ez da landarerik ikusten eta udako bero handienetan ere fresko egiten du ilunpe horretan. Pinudia bera da tontorraren inguruan dagoen zer ikusi bakarra, beste deus ikustea galerazi egiten baitu berak. Urrutixeago begiratuz gero historiaurreko zenbait lekuko ikusteko parada izango duzue; bai baitira hiru trikuharri IMko bizkarrean (Loa, Basaburu eta Belabieta Txiki). HEan Larre mendia nahiko gertu gelditzen da, ibilbidea luzatu nahi izanez gero. Ibilbide luzeak egiteko aproposa da, bestalde, Uzturre aldean hasi eta Ipuliñoraino luzatzen den mendikate luze hau, gorabehera txikiak baitaude tontorren artean.

Oso gertu (< 1.000 m)

BASABURU trikuharria (431 m.) · BELABIETA TXIKI trikuharria (659 m.) · MOA tumulua (871 m.) ·

Ibilbideak

Ibilbidea Abiapuntua Gorabehera Nork
Urdelar, Arnabar eta Belabieta Elduaindik Elduain 700 m inaxio
Komizarretik Urdelarrera igoera Belabietatik zehar Komizar 820 m Jose

Komentarioak

  • account_circle

    Aritz·k bidalia 2002·ko Irailaren 21·an - 17:08etan·an

    Mendi honetan gailurra pinuaz beterik dago. Ez dago inungo paisaia ikusteko aukerarik. Halaere, Lawson pinuak tartean doan bidea oso erakargarria da.

  • account_circle

    MIKEL·k bidalia 2005·ko Urtarrilaren 15·an - 12:39etan·an

    Jakin nahi nuke zein den mendi honetara igotzeko igoerabiderik motzena. Ez da gidaliburuetan agertzen eta askotan pentsatu izan dut Izaskundik joatea luzeegia izango dela, Uzturreren gandorra jarraituz. Elduaindik apika?
    Mil esker erantzunengatik.
    Ez adiorik

  • account_circle

    MIKEL·k bidalia 2005·ko Maiatzaren 22·an - 19:39etan·an

    Sekulako paliza gaur goizekoa \"lawson pinuen\" mendian. Egia da itsusia dela ez baitu panoramikarik erakusten, baina pinuen arteko ibilbide zirraragarriak eta txangoan zehar izango dugun bakartasunaren sentsazioek beste ikuspegi bat emango digute ziurrenik.
    Azkenean Izaskungo auzo tolosarretik ekin diogu martxari eta Belabietako ibilbidearen pista jarraitu dugu (Uzturrerako bidean dagoen panelean, eskubikoa alegia). Pista honek arazorik gabe eramango gaitu ordu batean zehar Belabietako leporaino, markatuta baitago (marka txuri-horiak).
    Hemendik aurrera komeriak... Eskubirako joera mantendu muino belartsua ezkerraldeko bidetiki ekidituz. Beste lepora aterako gara, non mugarri bat dagoen. Ekin aurrean dugun aldapa gogorrari, ezkerreko eta eskubiko pistak alde batera utziz. Pinudira sartu beldurrik gabe, nahiz eta baduen berea... Paisaia berriro ere irekitzen da, txabola bat igaro, eta eskubira igo terreno mixtoan. Berriro ere, beste pinudi itxi bat zeharkatuko dugu. Bapatean, ezkerrera begiratu eta zilindroa!!! Gogoz hartu dugu gailurra, egia esan bueltatzeko pentsatzen ari ginen eta. Bi orduko igoera totalera, nahikoa dezente mendi apal batentzat.

Mapako edukiak aukeratu

Zein eduki erakutsi










Edukia erantsi

Zer erantsi nahi duzu?

Klikatu orain maparen gainean, kokapena adierazteko. Mapan klikatutakoan beste leiho batean zabalduko da sarrera berria osatzeko orria.

Near targets

BASABURU trikuharria (431 m.) · BELABIETA TXIKI trikuharria (659 m.) · MOA tumulua (871 m.) ·

Waypoints

/var/www/html/d9.luberri/web/themes/custom/uiluberri/templates/osagai/wp-erantsi-modal.html.twig

Waypoint berria erantsi

Argazki berria erantsi