Oiarbide

Mendi hau ez da oso nabarmena, baina ederki ikusten da San Migelgo errepidetik. Pagadi usu baina garbi bat dirudien arren, inguru karstiko honetan gailur interesgarria du, harrizkoa eta basatia. Bera bakarrik eskas xamar gelditzen da ibilbidea osatzeko, Albitik berehala helduko baikara, baina Beloki egoki gelditzen da iparraldean txangoa osatzeko, eta baita Txameni ere gero, mendebaldean, Gertsagako bailara inguratuz, Intzazelaiko bidetik itzultzeko. Bestela, errepideaz bestaldra, Mozkordi leunagoarekin batera egin dezakegu, Aralarko bihotzeko bazter nahiko ezezagunak bisitatuz. Gailurrean, pagadiaren itzalari doi-doi ihes egiten dion haitz mutur baten gainean topatuko dugu tontorra seinalatzen duen harripila.