Baratxuetatik ekialderantz, Bardegi izeneko adar bat luzatzen da, Iragi herrixka dagoen lepotik igarota, Ipeteko bizkar luzean amaitzen dena, Eugi eta Urtasun herrien gainean ikusgarriro amilduz. Gainaldea larre zabalek hartuta daude, baina gailurra zuhaitzen artean dago. Panorama zabaleen maitaleek ekialderago jaitsi beharko dute, antenak atzean utzi eta Eugi alderantzko malkarretara iritsi.
Iragitiko txangoa laburra da eta neke txikikoa, haurrekin egiteko aproposa. Beste bide bat iristen da Eugiko uharkatik, txango basatiago batean.