Skip to main content

Elke mendia

inaxio·k

2005/06/09 - 22:18

Elke Espoz herritik
©zuriain (2009-04-06)
Altuera
1.297 m
Zerrenda
Abiapuntuak
Gorraitz · Orotz-Betelu · Urdirotz
Lurraldea

Bi gain bereizi ditu, biak ere harritsuak eta ezpelaz josiak (galtza luzeak eraman). Argazki nagusian erdialdekoa da tontor nagusia. Eskubi aldean ageri den tontorrari Pausaran deritzo eta oso itxura xelebrea du iparraldetik (Jaun Done Jakuetik) ikusita.

Inguruan gain altuagoak baditu ere (Korona, Baigura), Artzibarko mendirik ezagunena izanen da Elke. Alde guztietatik ikusita, bere tontor lerdenak begi guztiak erakartzen ditu, eta mendizale gutxi izanen dira gailur harritsu hau zapaldu ez dutenak.
Txango ezagunena Orotz-Betelutik abiatu eta Gorraitz herriskatik igarotzen dena da. Pista zabal batek Elke eta Pausaranen arteko leporaino eramanen gaitu eta handik gorakoa basoan barnako igoera gogor baina laburra besterik ez da izanen. Artzibarko Imizkotz herriskatik ere abia gaitezke Josepita leporaino joanez eta bertatik, Pausarango ekialdeko hegia zeharkatzen duen bidea hartu eta lehen aipaturiko lepora iritsiko gara. Kontuan hartu behar dugu Imizkotzera iristeko ez dela errepiderik, pista kaskar bat besterik ez.
Beste aukera bat Karrobide tunelean (Lakabera iritsi baino berrehun bat metro lehenago) hasten dena da. Pistan gora egin dezakegu autoz edo autoa bertan utzi. Pistak Zalakarteko ekialdeko hegietan behera eramanen gaitu iparralderantz, eta Elutsandiko lepora iritsi. Iparralderantz jarraituko dugu Xuxkalen bordaren hondakinetaraino. Bertatik, bide arrastoak jarraituz, Elkezelaiko lepora jarraituko dugu. Hoberena da gailurrari zuzenean ekiteak, bidexkak bilatuz ezpelen artean, igoera gogor baina labur batean. Beste aukera apur bat garbiago baina arriskutsuagoa mendebaldeko ertzean gora egitea da, ederragoa, baina kontu izugarriz ibiltzeko modukoa.

Oso gertu (< 1.000 m)

Pausaran / Ponsoroa mendia (487 m.) ·

Ibilbideak

Komentarioak

  • account_circle

    BatenBat (ez da egiaztatu)·k bidalia 2001·ko Uztailaren 30·an - 04:06etan·an

    Oroz Betelutik hasi genuen Elkerako ibilbidea. Gorraizera iritsi (bidea erreza da eta argia, pista zabala bait da) eta herri hau altuera handi xamarrean dagoenez (900 metro inguru) ez genuen tontorrera iristeko arazorik izan. Hasieran, gora igotzeko bidea garbi ikusten genuen, baina geroxeago bidea ezkutatu eta tontorra non egon zitekeen pentsatuta zuzenean egin genuen bertara, inongo biderik jarraitu gabe. Tontorra ikusten uzten ez duten zuhaitz tartetik igo genuen, baina inongo arazorik gabe. Gorraizetik, oduerdi batean tontorrean geunden. Hango bistak, ederrak.

  • account_circle

    BatenBat (ez da egiaztatu)·k bidalia 2004·ko Ekainaren 17·an - 19:15etan·an

    Ez da eszkutatzen,jarraitu bidea zuzen Elke eta Pausaran (Ponsoroa) arteko lepora.Justu han hasten da bideska bat ezkerretara tontorraraino galdu gabe eta erreza...Bueno hori uste dut,tontrrean egon naiz duela hamabi urte orduen itxita ez ba da..........

  • account_circle

    BatenBat (ez da egiaztatu)·k bidalia 2004·ko Urriaren 18·an - 14:52etan·an

    Bat. Orotz-Betelutik Gorraitzera birritan hartu ahal dugu bide zaharra, pare bat bihurguneetan, zuzen jarraituta.

    Bi. Gorraitzera helduta, Nahiz eta Elke eta Posoroa tontorren arteko lepora joan behar dugun, ezkerretara jo behar dugu, Elke mendiaren beheko aldetik, ezkerretatik eskuinetara egiten duen pista batetik. Pista hau amaitzen den tokian, ezkerretara dago bidea, basoan zehar, Elke-zelai lepora heldu arte (Elke eta Ponsoroaren artean- 1.185 m.). Hor hesia topatuko dugu eta ezkerretara egin behar malda bizi batean zehar (basoa izugarri polita bezain gogorra eta laban egiteko arriskua dago, heze badago). Gora helduta, solte gelditu den harri izugarri handi batekin topo egingo dugu. Ezkerraldetik pasatu harriaren ondo-ondotik, eskuinetara egin eta handik bosten bat minutura tontorrean izango gara.

Mapako edukiak aukeratu

Zein eduki erakutsi










Edukia erantsi

Zer erantsi nahi duzu?

Klikatu orain maparen gainean, kokapena adierazteko. Mapan klikatutakoan beste leiho batean zabalduko da sarrera berria osatzeko orria.

Near targets

Pausaran / Ponsoroa mendia (487 m.) ·

Waypoints

/var/www/html/d9.luberri/web/themes/custom/uiluberri/templates/osagai/wp-erantsi-modal.html.twig

Waypoint berria erantsi

Argazki berria erantsi