Bizkailuz

zuriain·k bidalia 2008·ko Uztailaren 31·an - 09:14etan·an

Mendi lau eta zuhaitzez josia dugu Bizkailuz, nahiko nahasketa txarra mendizaleak erakartzeko. Gailurra, beraz, ez da beste munduko gauza. Nolanahi ere, inguruko parajeak ederrak dira, pagadi zabalak, belardi goxoak, ur putzuak eta abar. Gainera, zuhaitzek eragozten ez dutenean, paisaia zabalak ikus ditzakegu Bizkailuzeko inguruetatik. Bizkailuzera joateko bide ohikoak Aezkoatik abiatzen dira, bai Abaurreatik (Tornuela lepoan barrena) bai Garaioatik (Arbialdea sakaneko pistan gora). Bide hauek ez dute zailtasunik batere. Hegoaldetik ere abia gaitezke, Azparrendik hain zuzen: Abaurrea errekaren ondotik igotzen den pista hartu eta bi kilometro eta erdi eginda (bihurgune itxi batzuk pasata, Baiguraren bidea hasi baino 100 bat metro lehenago) ipar-mendebalderantz igotzen den lurrezko pista bat hartuko dugu. Betiere errekastoaren ondoan ibiliko gara Learpuru eta Bizkailuzen arteko lepora iritsi arte. Handik gorako bidea erraza da, nahikoa da mendiko gainaldean gora egitea pago eta ezpelen artean, lehen iparrerantz eta gero ekialderantz. Gailurraren inguruetan, kontuz ibili behar dugu: harri pila handi bat dago tontorretik berrogei bat metrora, eta erraza da benetako gailurrarekin nahastea. Erran bezala, bistak mugatuak dira bertatik, baina apur bat bilatuz gero, paisaia ederrak ikusiko ditugu. On egin.

account_circle

Kasualitatez topatu dut

Imanol·k bidalia 2002·ko Ekainaren 13·an - 02:09etan·an

Mendi honen izena Gara egunkarian galdetzen dute, (2002-6-12) Euskal Herriaz Jabetzen izeneko gurutzegraman.

Ez det kasoalitatez aurkitu

BatenBat (ez da egiaztatu)·k bidalia 2002·ko Ekainaren 13·an - 20:24etan·an

Imanolen antzea, Garan galdetzen zuen mendin izena behar gendun. Da hemen aituga billa. Ta azaldua azkenen!!! Mendie ez deu ezautzen, galduta eongoa nunbaiten.

edit delete