Nafarroako mendimultzorik zabalenetakoa izanik ere, Zarikietak ez ditu mendizale askorik erakartzen. Herri eta hiri nagusietatik urrun, erliebe ikusgarririk ez, eta Itoizko urtegia egin zenez geroztik irispideak murriztu eta zailduta, mendi hauek bisita askorik ez.
Axarimendiak ordea aukera ematen digu txango erraz eta labur baterako, txirrindulaz edo haurrekin joanez gero. Ibilbide erraz batek gailur ez oso nabarmen honetara eramanen gaitu, nondik ekialdeko Nafarroako mendi eta ibarren ikuspegi ederra begipean izanen baitugu.