Altuera
1.279 m
Zerrenda
Abiapuntuak
Aintzioa
· Ardaitz
· Urdirotz
Lurraldea
Mendi polita da, arkaiztsua eta ezpelaz josia. Ez saiatu, esaterako, Urdirotz aldeko gandorretik igotzen, ordu batzuk eman beharko baitituzue ezpelarekin borrokan. Bi gainen arteko lepotik Urdirotzera jaisten den xenda ere nahiko eskasa da. Egokiagoak dirudite beste bi aukerek, baina hori bai, kontuz ibili ezpel artean galdu gabe.
Mendialdea*
Labia
Oso gertu (< 1.000 m)
Bat ere ez.
Ibilbideak
Komentarioak
Mapako edukiak aukeratu
Zein eduki erakutsi
Edukia erantsi
Zer erantsi nahi duzu?
Klikatu orain maparen gainean, kokapena adierazteko. Mapan klikatutakoan beste leiho batean zabalduko da sarrera berria osatzeko orria.
Near targets
Bat ere ez.
Waypoints
/var/www/html/d9.luberri/web/themes/custom/uiluberri/templates/osagai/wp-erantsi-modal.html.twig
Waypoint berria erantsi
BatenBat (ez da egiaztatu)·k bidalia 2001·ko Uztailaren 30·an - 04:06etan·an
Aintzioa eta Larrogainen arteko lepora iritsi ginen, Egin behar izan genuen bidea ikusita ez genuen jarraitzeko gogo handiegirik. Urdirotzetik igotzeko zailtasun handiak daude. Bidea ez dago batere garbi eta bi ordu egin genituen leporaino iristeko. Hemen, aurrera jarraitzeko bidea aurkitzen, denbora dezente pasa genuen. Lortu genuen gure helburua, eta Olondritzeraino iristea lortu genuen.
Larrogain Aintzioatik
zuriain·k bidalia 2008·ko Ekainaren 16·an - 09:06etan·an
Urdirotz aldeko igoera egin genuen orain urte batzuk eta gailurrera iristea lortu bagenuen ere zailtasun handiak aurkitu genituen. Hala bada, oraingoan Aintzioa aldetik saiatzea erabaki genuen. Aurkituz gero, bidea zoragarria da. Hori bai, aurkitu ezean infernua ziurtaturik dago. Gakoa Mendigilgo belardietara iristea da. Horretarako Aintzioatik aterako gara pista zabal batetik, hasieran ekialderantz eta berehala hegoalderantz. Ia ez gara igoko zati horretan. Gure ezkerretara kairn txiki batzuek jarraitzeko bidea erakutsiko digute: pista utzi eta belar artean ia antzematen ez den bide bat da, hego-ekialdeko norabidean. Bide horrek eta aurkituko ditugun kairnek Mendigilgo belardietara eramanen gaituzte. Belardia ezker aldetik (hego-ekialdetik) ixten duten ezpelen artean sarrera bilatu behar dugu (kairnak). Handik aurrera ezpel erraldoien arteko tunela jarraitzea besterik ez dugu izanen, zuzenean eta inolako zailtasunik gabe gailurrean jarriko gaituena. Bide erdian, ezkerretara, Urdirotzetik igotzen den bidea ikusi genuen, nahiko egoera onean, baina ezin erran nola dagoen beherago. Halaber, Aintzioko harkaitzetara (Korroskarri) igotzeko biderik ez genuen ikusi. Beste egunen batean, agian ;)
Aintzioako Haitzak
JAG·k bidalia 2011·ko Urtarrilaren 18·an - 23:41etan·an
Aupa, Zuriain:
Animatuko zinateke hurrengo baterako utzi zenuen Aintzioako igoera egin eta esplikatzen? Aintzioako Haitz handira joan nahi nuke, baina, Inaxiok iragarri bezala bidean larrua utzi dudalako, itzultzean ospitalera joan beharrik izan gabe. Eskerrik asko Larrogaingo azalpenakatik, nolanahi ere. Jon
Kaixo Jon. Aspaldi da
zuriain·k bidalia 2011·ko Urtarrilaren 19·an - 14:20etan·an
Kaixo Jon. Aspaldi da Aintzioara joan nintzenetik, eta ez naiz gehiegi oroitzen egindako bideaz. Larrogain eta Aintzioa arteko lepoan harri pila batzuk aurkitu nituen eta margo urdinak zuhaitzetatik eskegitako zintak jarraitu nituen. Okerrena lepoa aldean dago, gero ez da hainbesterako -ikusi orrialdeko argazkiak- Baina benetako gailurra ez dago hor, Iñaxioren argazkietan argi azaltzen da kairn hori... eta horretarako ezin dut laguntzarik eman...
Ni ibilia naiz Aintzioako
inaxio·k bidalia 2011·ko Urtarrilaren 19·an - 14:58etan·an
Ni ibilia naiz Aintzioako gainetan, baina egindako bidearen arrastoa ez da erakusteko modukoa. Bada Wikiloc-en hainbat proposamen nahiko egokiak ematen dutenak:
http://eu.wikiloc.com/wikiloc/view.do?id=777702
http://eu.wikiloc.com/wikiloc/view.do?id=478043
http://eu.wikiloc.com/wikiloc/view.do?id=620947
Lehenengoak bereziki itxura egokia du, izan ere Iparraldeko isurialdetik igotzen da Aintzioako gain nagusira (ni ere hala heldu nintzen, nahiz eta bide bera ez jarraitu), eta besteetan buzoia dagoen lekurako bidea ikusten da. Ez dago biderik bi puntu horien artean, infernua baino: ezpela eta karaitzezko labirinto itzela. Ez dizut gomendatzen GPSrik gabe joatea, ezpelak ez baitizu ikusten uzten non zauden.
Bide erraza 2012an
JulenZ·k bidalia 2012·ko Martxoaren 1·an - 00:47etan·an
Literatura luzea daukate Aintzioako haitzak eta Larrogainek bertara iristeko zailtasuna dela eta, baina 2012an ez dago halakorik, batzuen lanari esker, noski, ingurua lehen bezain basatia da eta. Gaur egun, bidea guztiz markatuta dago, ezpela jaun eta jabe izan arren, batzuetan bide zabala aurki dezakegu, eta ezpel ugariak ia ezina egiten du, normalean, bidea galtzea. Badaude, ordea, momentuak despistea ekar dezaketenak, baina ez da aparteko gauzarik. Adi joan behar da denbora guztian, hori bai, baina erraz hel daiteke tontorrera.