Araxes ibaiaren sorburua diren Errazkin eta Ezpelatako errekek mendialde oihantsu bat inguratzen dute Larraun ibarraren erdian. Azpirotz mendateko errepideak iparretik inguratzen ditu gain hauek, Leitzarango autobidea egin aurreko garaietan kamioiz eta autoz josita, bakartia eta isila orain.
Iparraldean Atume-Mergelu mendiak eta hegoaldean Aralarko Mailoak edukita, mendizaleek ez dituzte seguruenik oso sarri bisitatuko mendixka hauek. Baina baso sarriek uzten digutenean, Larraungo paisaia ederrak miretsiko ditugu.