Lore horiak (D. sambucina taldea)
Lore gorrixkak, arrosak, bioletak edo zurixkak
Lore-elkartea oso luzea da, batzuetan zurtoinaren beste zatia adinakoa; hosto orbangabeak edo pixka bat orbanduak (82)
Lore-elkartea zurtoinaren beste zatia baino askoz laburragoa da; hosto orbandunak edo orbangabeak (83,84)
Zaku-itxurako ezproia, sendoa, labeloa halako 1,5 baino luzegoa, erdialdean 4 mm edo gehiagoko zabalera duena; labeloa purpura-kolore bizikoa da, eztarrian horixka puntu gorriekin, eta ez du ez orbanik ez zerrendarik (83)
Ezproi ia zilindrikoa edo konikoa, labeloa bezain luzea edo luzexeagoa eta hura baino estuagoa; bestelako labeloa (84,85)
Loreen kolore nagusia zuria eta arrosa bitartekoa da; zurtoin mehea, betea; brakteak loreak baino laburragoak izan ohi dira; lore-elkarte koniko/oboidea (D. maculataren taldea) (84,85)
Loreen kolore nagusia purpura edo morea da; zurtoin lodia, hutsa; brakteak loreak baino luzeagoak izan ohi dira; lore-elkarte luzanga/zilindrikoa (87,88)
Labeloak hiru gingil luze ditu, erdikoa luzeagoa, muxarradura zorrotzak ditu, eta apaindura erdi-erdian dauka; oinaldeko hostoak obatuak edo obalak dira, landare garatuetan, behinik behin (84)
Labeloa ia osoa da edo bestela hiru gingilekoa, gingil laburrak, erdikoa batzuetan luzexeagoa, eta muxarradura zorrotzak edo kamutsak ditu; oinaldeko hostoak lantzeolatuak edo luzanga/lantzeolatuak dira, baita landare garatuetan ere (85,86)
Labeloak muxarradura biribilak ditu; sepaloak ez daude aurrerantz okertuta edo luzatuta; ezproia, perianto-atalak eta lorearen eztarria ez dira oso txikiak labeloaren aldean; labeloak kolore biziko marrazki deigarri eta zehatza du (85)
Labeloak muxarradura zorrotzak ditu; sepaloak aurrerantz okertuta eta luzatuta daude; ezproia, perianto-atalak eta lorearen eztarria oso txikiak dira labeloaren aldean; labeloaren koloreak motelak dira, ez deigarriak (86)
Komentariorik ez..
