Hurbileko Elkeren itzalpeko mendia dugu Pausaran: igotzen bada, Elkerekin batera egiten da. Horrek ez du erran nahi Pausaranek berezko tasunik ez duenik. Haren harrizko hormek itxura zirraragarria azaltzen dute alde guztietatik, eta gailurretik ikuspegia mugatua bada ere, igoera zailak nolabaiteko xarma ematen dio. Bai Gorraizetik abiaturik bai Imizkoz gaineko Josepita lepotik, ibilbide guztiek Pausaran lepoan bat egiten dute. Josepita lepotik abiatzen den bidea atseginagoa da Gorraizko pista baino, eta gutxi ibilia bada ere, ongi eramanen zaituzte Pausaranen oinetaraino. Handik gorako bidea marka zuri-berdekin dago markaturik. Eskalada erraz baina eder bat da. Ohartxo bat: markak kairn handi baten ondoan amaitzen dira, baina hori ez da benetako gailurra. Buzoia aurkitzeko, ezpelen arteko borroka labur bat beharko duzue egin, tontorra berrogei bat metro ipar-mendebalderago baitago. On egin ;)
Oso gertu (< 1.000 m)
Elke mendia (487 m.) ·
Ibilbideak
Komentariorik ez..
Mapako edukiak aukeratu
Edukia erantsi
Zer erantsi nahi duzu?
Klikatu orain maparen gainean, kokapena adierazteko. Mapan klikatutakoan beste leiho batean zabalduko da sarrera berria osatzeko orria.
/var/www/html/d9.luberri/web/themes/custom/uiluberri/templates/osagai/wp-erantsi-modal.html.twig
Waypoint berria erantsi
