Donejakue bideak mendi honen iparraldeko hegiak zeharkatzen baditu ere, ez omen da oso gailur bisitatua. Agian abiapuntu guztietatik (Iparralde, Azpegi, Orreaga, Ibañeta) hain urrun gelditzea izanen da arrazoia. Beharbada Ortzanzurieta edo Urkulu bezalako erraldoiek erakarriko dute mendizale gehienen arreta. Nolanahi ere, gailur belartsu honek paisaia zabal ederrak ahalbidetzen ditu. Merezi du bisita bat, Urkulu edo Ortzanzurietako txangoa luzatu eta aberasteko.