Beharbada garai baten, ez oso aspaldi, behientzako larreak izango ziren mendi honen gainaldean eta hortik datorkio izena, baina egun pagoz estalia dago gainalde guztira. Ingurune ederra eta ibiltzeko atsegina, Otzola aldeko goi larreak biltzen dituen bailara txikia bereziki.
Mikel Belaskok beste izen baten berri ematen digu: Lintsusti.
Begaña estaltzen duen oihana ipar eta ekialderantz hedatzen da, gain eta lepoetan barrena, eta ia Belateko mendateraino irits gintezke pagoen itzalpea galdu gabe.