Ibilbideak: Nafarroa

Lurraldeak

Ibilbide mota

Xabiaram-k sortua, 2019, abendua 8 - 16:28
Kategoriak Leitza
ABIAPUNTUA Plazaola
Eskema Plazaola-Intxusi-Altzegi-Urepel-Erroste-Erroizte Hegoa-Eguzkizko Muinoa-Baztarla-Arramia Lepoa-Tolarea-Plazaola

Ibilaldia Plazaola geltoki zaharrean abiatzen da. Bertan Leitzaran ibaiko zubia pasa eta Altzegi aldera doan bidea hartzen dugu, hasieran pista zabala dugu, eta gero senda estuago bat hartuko dugu borda artean igotzen dena Intxusu aldera, malda nahikoa gogorra da tarte batzuetan, lehen orduan 500 bat metroko desnibela gaindituko dugu eta Intxusu (951m) tontorrera iritsiko gara, hemendik Altzegira (1015m) berehala helduko gara, tontor honek aurrekoak ez bezala postontzia ere badu.

Jose-k sortua, 2019, azaroa 24 - 20:17
Kategoriak Abartzuza, Allin, Ameskoabarren, Nafarroa
ABIAPUNTUA Irantzuko monastegia
Eskema Irantzuko monastegia – Irantzuko arroila – Mandabide lepoa – Larraitza – Azantza – Irantzuko monastegia
inaxio-k sortua, 2019, iraila 16 - 20:51
Kategoriak Nafarroa
ABIAPUNTUA Endarlatsa
Eskema Endarlatsa - Berreuko Gaina - Illasmendi - Eskolamendi - Zalain - Endarlatsa
Xabiaram-k sortua, 2019, uztaila 28 - 11:17
Kategoriak Ameskoabarren
ABIAPUNTUA Artaza
Eskema Artaza-Ekaitza-Dulantz-Urguntza-Igarate-Artaza

(2019-07-22) Egun pasako mendi ibilaldia Ameskoak eta Urbasako mendietan.
6-7 orduko ibilaldia.

Ibilbidea Artaza herriaren ondoan dagoen kanpinean abiatzen da, hemen Artazara doan bideska hartu eta herrirra iritsitakoan mendian gora egiten duen "Artaza-Lizarragako mendatea artzain bidea" jarraituko dugu, tartea hau da eguneko maldatsuena, 500 metro inguruko desnibela gainditu behar da. Bidea ona da, behealdean harritsuagoa eta goialdean behin pagadian sartuta lurrezkoa, honela iristen gara bargaren gainera (1050m) ordubete luzeko ibilaldia eginda.

Xabiaram-k sortua, 2019, uztaila 28 - 11:07
Kategoriak Ameskoabarren
ABIAPUNTUA Urra
Eskema Urra-Mandabide-Krezmendi (1118m)-Mandabide-Krezmendi Hegoa-Larraitza-Urra

Arratsalde pasako mendi ibilaldia. 3 orduko iraupena.

Ibilbidea Urra herrian abiatzen da, herrira iritsi baino aurreko bihurgunean egia esan, autoa bidearen bazterrean utzi eta Iturriotz izeneko tokitik gora doan pistaren ondotik igoko gara Larraitza edo Mandabideko Leporaino. Igoera izugarri polita da pista ondoan badugulako ere bidezidor bat errekastoaren ibilbidea jarraitzen duena, hau jarraituz gero xarma du igoerak. Ia 300 metroko desnibela gaindituko dugu tarte honetan.

inaxio-k sortua, 2019, maiatza 4 - 12:36
Kategoriak Goizueta
ABIAPUNTUA Eskas (Oiartzun)
Eskema Eskas - Artikutza - Izu - Pagolleta - Bidango Gaña - Eskas.

Oso ibilbide ederra iruditu izan zait beti eta behin baino gehiagotan egin dut. Bidezidorretan barrena doa ia beti, basoan barrena gehienetan eta Artikutzatik Izuerako aldapa kenduta, zailtasun gutxiko bidea da. Bidea zaildu nahi izanez gero arrastoak bazterrean uzten dituen gainak ere bisitatu daitezke: Pagolleta, Bidango Gaña eta Bianditz bera.

Xabiaram-k sortua, 2019, apirila 27 - 12:46
Kategoriak Baztan
ABIAPUNTUA Iñarbil
Eskema Iñarbil-Hautza-Elhorrietako Lepoa-Iñarbil

Arratsalde pasako mendi ibilaldia Euskal Pirineoetako handi batean, Hautza (1304m)

Ibilbidea Baztango Iñarbil herrian abiatzen da, hasierako etxaldeak pasa eta Hautzarako bidezidorra hartzen dugu, seinalatua dago. Igoera zuzen gorantz egiten da bidegurutzerik gabe mendiaren ertzetik gora. Malda handia dago, kontuan izan ia 1000 metroko desnibela gainditu behar dela, baina poliki hartuz ez du arriskurik. 2 orduko buruan tontorrean gaude.

Jeitsiera Elhorrietako Lepotik egin nuen, hemen harrespila soro handi bat ikusi daiteke.

Xabiaram-k sortua, 2019, apirila 27 - 11:54
Kategoriak Baztan
ABIAPUNTUA Berroeta
Eskema Berroeta-Elorregi-Zokoa-SAIOA (1418m)-Okolin-Lizerloa-Berroeta

Egun osoko mendi ibilaldia Euskal Pirineotako mendi handi batean, Saioa (1418)

Ibilbidea Berroeta herrian abiatzean da eta hasieran Elorregi (1045m) mendirako bidea hartuko dugu, seinalatua dago, igoera polita da Larraburu aldetik Altzuetako lepora artean, 700 bat metroko desnibela gaindituz tontorrera iritsi arte. Ondoren Saioa aldera doan mendizerra luze samarra jarraituko dugu gora-behera handirik gabe, aukeran, Olariagoa eta Katilliko Kaskoa igo daitezke, desnibel handirik gabe. Hona arteko bidea ordu pare batean egiten da.

inaxio-k sortua, 2019, martxoa 17 - 12:51
Kategoriak Leitza
ABIAPUNTUA Leitzalarrea
Eskema Leitzalarrea - Belarrain - Usategieta - Mandoegi - Urepel - Altzegi - Urkizu - Leitzalarrea.

Ibilbide polita, pista zabaletan lehendabizi Leitzalarrea aldean, eta iradi eta basoetan barrena gero goi-aldean.

Xabiaram-k sortua, 2018, iraila 30 - 21:01
Kategoriak Basaburua, Leitza
ABIAPUNTUA Leitza
Eskema Leitza(465m)-Santakruz(670m)-Ansolitzaundi(1056m)-Kornieta(1080m)-Ireber(1208m)-Itzulera

Ibilbide hau Leitza herriko plazatik bertatik abiatu dut, hemendik herriko hilerriaren ondotik doan aldapan gora Santakruz aldera igoz, hemen baseliza, borda eta abarreko inguru polit bat dago. Senda maldatsua dago aurrerako zati honetan baina ez da luzeegia, eta laister iristen gara goiko pistara, haize-erroten ingurutik doana, bidea pistatik egin beharrean hau gurutzatu eta zelaian zehar doan bideska hartu daiteke. Belardi zabalera heltzen gara, ardi eta behor ugari ikusi daitezkelarik bertan.