Ibilbideak: Joan-etorria bide beretik

Basaburuko mendi ezezagun honetara igoko gara. Beruetetik abiatzen den errepidexka hartuko dugu Iontza leporaino. Bertatik, bide egokietan barrena ibiliko gara. Azken txanpa basoan zehar eta biderik gabe egin beharko dugunez, kontuz ibiliko gara. Txango aproposa udan egiteko, pagadietan fresko ibiliko baikara.

Oibarko mendatetik abiatuko gara bi gain ez oso nabarmen hauek ezagutzeko.

Anbotoko tontorretik Mariren kobara jaisteko, lehenik eta behin iparralderantz jaisten hasi behar da, Anboto Sakonan bailara aldapatsuan zehar Arrazolara jaitsi nahi balitz bezala. Bidezidorra ez da batera nabarmena.

Aurkezpen handirik behar ez duen ibilbidea. Astebururo hamaika mendizaleren txangoa. Urkiolako Santutegitik habiatuta, Urkiolagirreren hegoaldeko magala zeharkatzen duen bide zabala jarraitu behar da. Asuntzen, burdin ura isurtzen duen Pol-pol iturri ezagunera jaisteko aukera dago. Anbotoren malkarren barrenetik aldapan gora egiten du bideak. Aterpe baten aldamenetik igarotzen da. Aurrerago, bidea bitan banatzen da eta ezkerrekoa hartu behar da.

Bilboko Zamakola kale luzearen azkenerantz, biribilgunean eskumatara, Ollargan parkera joaten da. Aurrera jarraitu eta Donostiarako autobidearen azpitik igarotzen da errepidea. Gorantz doa, Gasteizko autobidea eskuman paralelo, autobidearen gaineko zubira heldu arte. Zubitik autobidearen beste aldera igaro barik, ezkerretara Buiagoiti auzorako errepidetxoa hasten da (seinalea, Buiagoiti auzoa), bidegurutzean bertan dago aparkatzeko lekua (150 m altu).

Beste txango bat Arbaingo arroilaren ekialdera. Ikuspegi ezin ederragoak gailurretik.